canned thoughts

hawakan aking kamay
ilipad at isakay
sa langit mo patungo
sa’yo ay maglalaro

nalasing sa’yong titig
puso ko’y pumipintig
kapag ika’y nariyan
katabi’t nananahan

hayop na pag-ibig yan
hiling ko ay pagbigyan
agad akong tumikim
bigla nyang babawiin
mundo ko ay nagulo
buhay ko ay nagbago
ako ay litong-lito
dahil sa pag-ibig mo

pilit kang hinawakan
sa bisig ko’y hinagkan
‘lang balak pakawalan
pag-ibig mo’y akin lang

sumigaw o pumalag
ako ngayo’y ilaglag
hindi na papapigil
sa’yo ay nanggigigil

hayop na pag-ibig yan
ako ngayo’y pigilan
ikaw ay lalamunin
at ika’y uubusin
mundo nati’y magulo
buhay nati’y nagbago
ako ay baliw sa’yo
dahil sa pag-ibig mo